kahan le jaun dil ko ya-ilahi

kahāñ le jā.ūñ dil ko yā-ilāhī

gunah Thahrī hai merī be-gunāhī

panāh-e-har-do-ālam ban ga.ī hai

junūn-e-ishq terī be-panāhī

diloñ par kar ga.ī hai sehr kyā kyā

hasīnoñ kī adā-e-kam-nigāhī

ye aahaT hai usī sarv-e-ravāñ kī

dil-e-betāb detā hai gavāhī

takalluf-bartaraf ye mai-kada hai

nahīñ yaañ rāh-o-rasm-e-uzr-ḳhvāhī

jigar ke saath duniyā-e-adab se

huī ruḳhsat vo shān-e-kaj-kulāhī

'majāz' ab lakhna.ū tujh bin hai suunā

fuġhān-e-shab na āh-e-sub.h-gāhī

shu.ūr-e-manzil-e-nau aaj bhī hai

tirī laġhzish tirī gum-karda-rāhī

mubārak ho tujhe ai ḳhāna vīrāñ

jahān-e-mai-kada kī bādshāhī

girāñ hai tāj-dārān-e-chaman par

asīrān-e-qafas kī dād-ḳhvāhī

ma.āl-e-hasrat-e-ta.amīr kyā hai

'jamāl' apne bhare ghar kī tabāhī

kahan le jaun dil ko ya-ilahi

gunah Thahri hai meri be-gunahi

panah-e-har-do-alam ban gai hai

junun-e-ishq teri be-panahi

dilon par kar gai hai sehr kya kya

hasinon ki ada-e-kam-nigahi

ye aahaT hai usi sarw-e-rawan ki

dil-e-betab deta hai gawahi

takalluf-bartaraf ye mai-kada hai

nahin yan rah-o-rasm-e-uzr-KHwahi

jigar ke sath duniya-e-adab se

hui ruKHsat wo shan-e-kaj-kulahi

'majaz' ab lakhnau tujh bin hai suna

fughan-e-shab na aah-e-subh-gahi

shuur-e-manzil-e-nau aaj bhi hai

teri laghzish teri gum-karda-rahi

mubarak ho tujhe ai KHana viran

jahan-e-mai-kada ki baadshahi

giran hai taj-daran-e-chaman par

asiran-e-qafas ki dad-KHwahi

maal-e-hasrat-e-tamir kya hai

'jamal' apne bhare ghar ki tabahi