kahan pe lai hai meri KHudi kahan se mujhe

kahāñ pe laa.ī hai merī ḳhudī kahāñ se mujhe

na apne dil se ġharaz hai na apnī jaañ se mujhe

na is jahān se nisbat na us jahāñ se mujhe

bas ek rabt hai duniyā-e-be-nishāñ se mujhe

shu.ūr-e-zīst milā fikr-e-do-jahāñ se mujhe

matā-e-dard milī dil ke āstāñ se mujhe

qarār-e-jāñ na banī apnī hasti-e-mauhūm

gilā yahī hai tirī umr-e-jāvedāñ se mujhe

ye ho rahe haiñ sar-e-arsh tazkire kis ke

ye kis ne aaj bulāyā hai jism-o-jāñ se mujhe

zarā sambhalne to de ai jahān-e-kam-āsār

ḳhud-āgahī ne girāyā hai āsmāñ se mujhe

payambarī ke evaz maiñ ne shā.irī kī hai

ye hausla to milā us ke āstāñ se mujhe

kahan pe lai hai meri KHudi kahan se mujhe

na apne dil se gharaz hai na apni jaan se mujhe

na is jahan se nisbat na us jahan se mujhe

bas ek rabt hai duniya-e-be-nishan se mujhe

shuur-e-zist mila fikr-e-do-jahan se mujhe

mata-e-dard mili dil ke aastan se mujhe

qarar-e-jaan na bani apni hasti-e-mauhum

gila yahi hai teri umr-e-jawedan se mujhe

ye ho rahe hain sar-e-arsh tazkire kis ke

ye kis ne aaj bulaya hai jism-o-jaan se mujhe

zara sambhalne to de ai jahan-e-kam-asar

KHud-agahi ne giraya hai aasman se mujhe

payambari ke ewaz main ne shairi ki hai

ye hausla to mila us ke aastan se mujhe