kahan sabaat ka usko KHayal hota hai

kahāñ sabāt kā us ko ḳhayāl hotā hai

zamāna maazī hī hone ko haal hotā hai

faroġh-e-badr na baaqī rahā na but kā shabāb

zavāl hī ke liye har kamāl hotā hai

maiñ chāhtā huuñ ki bas ek hī ḳhayāl rahe

magar ḳhayāl se paidā ḳhayāl hotā hai

bahut pasand hai mujh ko ḳhamoshī-o-‘uzlat

dil apnā hotā hai apnā ḳhayāl hotā hai

vo toḌte haiñ to kaliyāñ shagufta hotī haiñ

vo rauñdte haiñ to sabza nihāl hotā hai

society se alag ho to zindagī dushvār

agar milo to natīja malāl hotā hai

pasand-e-chashm kā hargiz kuchh e'tibār nahīñ

bas ik karishma-e-vahm-o-ḳhayāl hotā hai

kahan sabaat ka us ko KHayal hota hai

zamana mazi hi hone ko haal hota hai

farogh-e-badr na baqi raha na but ka shabab

zawal hi ke liye har kamal hota hai

main chahta hun ki bas ek hi KHayal rahe

magar KHayal se paida KHayal hota hai

bahut pasand hai mujh ko KHamoshi-o-‘uzlat

dil apna hota hai apna KHayal hota hai

wo toDte hain to kaliyan shagufta hoti hain

wo raundte hain to sabza nihaal hota hai

society se alag ho to zindagi dushwar

agar milo to natija malal hota hai

pasand-e-chashm ka hargiz kuchh e'tibar nahin

bas ek karishma-e-wahm-o-KHayal hota hai