kahan sar piTne ka waqt ab bedad-e-qatil par

kahāñ sar pīTne kā vaqt ab bedād-e-qātil par

kaleje par mirā ik haath hai ik haath hai dil par

asīrī ko mirī sab qaid hī samjheñ magar maiñ to

jo pyaar aatā hai bose dene lagtā huuñ salāsil par

ye naale nikle jis dil se na jaane us pe kyā guzrī

ki jis ke kaan tak pahoñche chhurī sī chal ga.ī dil par

nahīñ ab aah sāhil dekhnā bhī apnī qismat meñ

nazar aa.ī haiñ maujeñ jab nazar Daalī hai sāhil par

tabassum ne abhī in rang uḌe hoñToñ ko chūmā hai

khiñchī tasvīr kis kī parda-hā-e-chashm-e-qātil par

ye haiñ kaisī balā.eñ is se ho saktā hai andāza

ki chīḳh uTThe haiñ vo bhī jaan jo dete the mushkil par

tamāshā āḳhirī hai ab nahīñ mauqa taġhāful kā

ki rangat lauTtī phirtī hai qātil rū-e-bismil par

hamārī zindagī ik naam thā tīmār-dārī kā

kabhī uTThā na 'beḳhud' jab se rakkhā haath ko dil par

kahan sar piTne ka waqt ab bedad-e-qatil par

kaleje par mera ek hath hai ek hath hai dil par

asiri ko meri sab qaid hi samjhen magar main to

jo pyar aata hai bose dene lagta hun salasil par

ye nale nikle jis dil se na jaane us pe kya guzri

ki jis ke kan tak pahonche chhuri si chal gai dil par

nahin ab aah sahil dekhna bhi apni qismat mein

nazar aai hain maujen jab nazar Dali hai sahil par

tabassum ne abhi in rang uDe honTon ko chuma hai

khinchi taswir kis ki parda-ha-e-chashm-e-qatil par

ye hain kaisi balaen is se ho sakta hai andaza

ki chiKH uTThe hain wo bhi jaan jo dete the mushkil par

tamasha aaKHiri hai ab nahin mauqa taghaful ka

ki rangat lauTti phirti hai qatil ru-e-bismil par

hamari zindagi ek nam tha timar-dari ka

kabhi uTTha na 'beKHud' jab se rakkha hath ko dil par