kahan se mafhum-e-she’r aae naya naya sa

kahāñ se mafhūm-e-she’r aa.e nayā nayā sā

charāġh-e-fikr-o-ḳhayāl ho jab bujhā bujhā sā

ġhubār-e-nafrat na gard-e-kīna na dāġh-e-ranjish

chale bhī aao ki merā dil hai dhulā dhulā sā

ḳhudāyā sab kī nigāheñ us par hī paḌ rahī haiñ

hai gulsitāñ meñ jo ik shagūfa khilā khilā sā

ye us ke husn-o-jamāl kī turfagī hai shāyad

vo bhiiḌ meñ hai magar hai sab se judā judā sā

haiñ merī nazreñ bhī aaj kuchh kuchh jhukī jhukī sī

tumhārā bhī rang-e-ruḳh hai kuchh kuchh uḌā uḌā sā

suḳhan ke sailāb kā ye manzar 'ajīb sā hai

ruvāñ-ruvāñ sā hai gāhe-gāhe rukā rukā sā

agarche fikr-o-nazar meñ 'gauhar' ke hai bulandī

magar vo rakhtā hai sar hamesha jhukā jhukā sā

kahan se mafhum-e-she’r aae naya naya sa

charagh-e-fikr-o-KHayal ho jab bujha bujha sa

ghubar-e-nafrat na gard-e-kina na dagh-e-ranjish

chale bhi aao ki mera dil hai dhula dhula sa

KHudaya sab ki nigahen us par hi paD rahi hain

hai gulsitan mein jo ek shagufa khila khila sa

ye us ke husn-o-jamal ki turfagi hai shayad

wo bhiD mein hai magar hai sab se juda juda sa

hain meri nazren bhi aaj kuchh kuchh jhuki jhuki si

tumhaara bhi rang-e-ruKH hai kuchh kuchh uDa uDa sa

suKHan ke sailab ka ye manzar 'ajib sa hai

ruwan-ruwan sa hai gahe-gahe ruka ruka sa

agarche fikr-o-nazar mein 'gauhar' ke hai bulandi

magar wo rakhta hai sar hamesha jhuka jhuka sa