kahan tak ye sitare dar-ba-dar phirte rahenge

kahāñ tak ye sitāre dar-ba-dar phirte raheñge

tirī āñkhoñ meñ āḳhir apnī manzil DhūñD leñge

purānī is kahānī par yaqīñ aa.e na aa.e

magar ham sāmrī ke sehr se kaise bacheñge

udāsī is galī meñ kitne din tak rah sakegī

na.e mausam purāne qufl āḳhir toḌ deñge

havā-e-tāza badlegī fazā us baaġh kī bhī

na.ī rut meñ na.e paude yahāñ phūle phaleñge

tire dar tak na pahuñcheñge bhaḌakte tez sho.ale

to kyā is aag meñ ham hī sadā jalte raheñge

kahan tak ye sitare dar-ba-dar phirte rahenge

teri aankhon mein aaKHir apni manzil DhunD lenge

purani is kahani par yaqin aae na aae

magar hum samri ke sehr se kaise bachenge

udasi is gali mein kitne din tak rah sakegi

nae mausam purane qufl aaKHir toD denge

hawa-e-taza badlegi faza us bagh ki bhi

nai rut mein nae paude yahan phule phalenge

tere dar tak na pahunchenge bhaDakte tez shoale

to kya is aag mein hum hi sada jalte rahenge