kahan teri parchhaiyon ko pata tha

kahāñ terī parchhā.iyoñ ko patā thā

ki terā patā titliyoñ ko patā thā

mire ramz jo bhī haiñ jaise bhī haiñ bas

tirī kaan kī bāliyoñ ko patā thā

bayāñ aap ko karnā mumkin nahīñ hai

ye saarī ġhazal-ḳhvāniyoñ ko patā thā

nahīñ paas mere ġhamoñ ke sivā kuchh

chalo ḳhair ḳhush-hāliyoñ ko patā thā

kuchh un ko bhī thī ḳhabar thoḌī thoḌī

kuchh apnī bhī nākāmiyoñ ko patā thā

kahāñ kab zabāñ kholnī hai nahīñ hai

ki shāyad ye ḳhāmoshiyoñ ko patā thā

manāzir jo ab āñkhoñ ke sāmne haiñ

hai hairat ki bīnā.iyoñ ko patā thā

ḳhud apnī tabāhī kā anjām 'hāmid'

baḌī muddatoñ se diyoñ ko patā thā

kahan teri parchhaiyon ko pata tha

ki tera pata titliyon ko pata tha

mere ramz jo bhi hain jaise bhi hain bas

teri kan ki baaliyon ko pata tha

bayan aap ko karna mumkin nahin hai

ye sari ghazal-KHwaniyon ko pata tha

nahin pas mere ghamon ke siwa kuchh

chalo KHair KHush-haaliyon ko pata tha

kuchh un ko bhi thi KHabar thoDi thoDi

kuchh apni bhi nakaamiyon ko pata tha

kahan kab zaban kholni hai nahin hai

ki shayad ye KHamoshiyon ko pata tha

manazir jo ab aankhon ke samne hain

hai hairat ki binaiyon ko pata tha

KHud apni tabahi ka anjam 'hamid'

baDi muddaton se diyon ko pata tha