kahan wo sim-tanan hain kahan wo gul-badnan

kahāñ vo sīm-tanāñ haiñ kahāñ vo gul-badnāñ

azīz-az-dil-o-jāñ hai hadīs-e-lāla-ruḳhāñ

ye ham se pūchho jalāl-o-jamāl kyā shai hai

hamāre gird rahā hai hujūm-e-māh-vashāñ

mirī nigāh ko hai diid kī kahāñ fursat

haiñ yuuñ to jalve hī jalve fazā meñ raqs-kunāñ

sukūñ hai kār-gah-e-zīst meñ kahāñ yaaro

kashāñ-kashāñ liye phirtī hai gardish-e-daurāñ

yahāñ to saañs bhī lene meñ ehtiyāt hai shart

ba-qaul 'mīr' ye hai kār-gāh-e-gāh-shīsha-garāñ

'habāb' apne vatan se to duur huuñ lekin

nigāh meñ haiñ sabhī dostān-e-zinda-dilāñ

kahan wo sim-tanan hain kahan wo gul-badnan

aziz-az-dil-o-jaan hai hadis-e-lala-ruKHan

ye hum se puchho jalal-o-jamal kya shai hai

hamare gird raha hai hujum-e-mah-washan

meri nigah ko hai did ki kahan fursat

hain yun to jalwe hi jalwe faza mein raqs-kunan

sukun hai kar-gah-e-zist mein kahan yaro

kashan-kashan liye phirti hai gardish-e-dauran

yahan to sans bhi lene mein ehtiyat hai shart

ba-qaul 'mir' ye hai kar-gah-e-gah-shisha-garan

'habab' apne watan se to dur hun lekin

nigah mein hain sabhi dostan-e-zinda-dilan