kahani ki kahani ho gaya hun

kahānī kī kahānī ho gayā huuñ

tavālat meñ misālī ho gayā huuñ

ye bastī merī ḳhātir ajnabī thī

ki sadiyoñ meñ maqāmī ho gayā huuñ

ġharaz koī nahīñ duniyā se mujh ko

maiñ sad-fīsad kitābī ho gayā huuñ

muqābil jo bhī insāñ hai adū hai

maiñ sarhad kā sipāhī ho gayā huuñ

maiñ jabran kaaT letā huuñ lab us ke

mohabbat meñ fasādī ho gayā huuñ

mirā ġham mere aañsū merī hastī

maiñ had-darja hī zaatī ho gayā huuñ

nahīñ imkān shāhid behtarī kā

ḳharābī kī ḳharābī ho gayā huuñ

kahani ki kahani ho gaya hun

tawalat mein misali ho gaya hun

ye basti meri KHatir ajnabi thi

ki sadiyon mein maqami ho gaya hun

gharaz koi nahin duniya se mujh ko

main sad-fisad kitabi ho gaya hun

muqabil jo bhi insan hai adu hai

main sarhad ka sipahi ho gaya hun

main jabran kaT leta hun lab us ke

mohabbat mein fasadi ho gaya hun

mera gham mere aansu meri hasti

main had-darja hi zati ho gaya hun

nahin imkan shahid behtari ka

KHarabi ki KHarabi ho gaya hun