kahin be-KHayal ho kar yunhi chhu liya kisi ne

kahīñ be-ḳhayāl ho kar yuñhī chhū liyā kisī ne

ka.ī ḳhvāb dekh Daale yahāñ merī be-ḳhudī ne

mire dil maiñ kaun hai tū ki huā jahāñ añdherā

vahīñ sau diye jalā.e tire ruḳh kī chāñdnī ne

kabhī is parī kā hai kuchh kabhī us hasīñ kī mahfil

mujhe dar-ba-dar phirāyā mire dil kī sādgī ne

hai bhalā sā naam us kā maiñ abhī se kyā batā.ūñ

kiyā be-qarār hañs kar mujhe ek aadmī ne

are mujh pe naaz vaalo ye niyāz-mandiyāñ kyoñ

hai yahī karam tumhārā to mujhe na doge jiine

kahin be-KHayal ho kar yunhi chhu liya kisi ne

kai KHwab dekh Dale yahan meri be-KHudi ne

mere dil main kaun hai tu ki hua jahan andhera

wahin sau diye jalae tere ruKH ki chandni ne

kabhi is pari ka hai kuchh kabhi us hasin ki mahfil

mujhe dar-ba-dar phiraya mere dil ki sadgi ne

hai bhala sa nam us ka main abhi se kya bataun

kiya be-qarar hans kar mujhe ek aadmi ne

are mujh pe naz walo ye niyaz-mandiyan kyon

hai yahi karam tumhaara to mujhe na doge jine