kahin dhuan kahin shola dikhai deta hai

kahīñ dhuāñ kahīñ sho'la dikhā.ī detā hai

'ajīb haal chaman kā dikhā.ī detā hai

ye kyā sitam hai ki ab zindagī ke sahrā meñ

koī shajar hai na saaya dikhā.ī detā hai

ye kaun paas se guzrā ik ajnabī kī tarah

zarūr koī shanāsā dikhā.ī detā hai

hue haiñ qatl ham apne shu'ūr ke hāthoñ

koī zamāne meñ ham sā dikhā.ī detā hai

zamāne-bhar kī nazar hai hamāre ‘aiboñ par

kisī ko apnā bhī chehrā dikhā.ī detā hai

guzar rahā hai barābar se ik balā kā hujūm

har aadmī hai ki tanhā dikhā.ī detā hai

charāġh-e-dil hī farozāñ rakho ki ai 'afzal'

charāġh-e-ḳhāna to bujhtā dikhā.ī detā hai

kahin dhuan kahin sho'la dikhai deta hai

'ajib haal chaman ka dikhai deta hai

ye kya sitam hai ki ab zindagi ke sahra mein

koi shajar hai na saya dikhai deta hai

ye kaun pas se guzra ek ajnabi ki tarah

zarur koi shanasa dikhai deta hai

hue hain qatl hum apne shu'ur ke hathon

koi zamane mein hum sa dikhai deta hai

zamane-bhar ki nazar hai hamare ‘aibon par

kisi ko apna bhi chehra dikhai deta hai

guzar raha hai barabar se ek bala ka hujum

har aadmi hai ki tanha dikhai deta hai

charagh-e-dil hi farozan rakho ki ai 'afzal'

charagh-e-KHana to bujhta dikhai deta hai