kahin na phir koi dar-o-rasan se saz kare

kahīñ na phir koī dār-o-rasan se saaz kare

ḳhudā kisī ko na aab āshnā-e-rāz kare

kahāñ tak aadmī hīl-e-ḳhirad se saaz kare

fazā-e-dahr ko allah junūñ-navāz kare

na pūchh martaba us ke maqām-e-ālī kā

jise vo fikr-e-do-ālam se be-niyāz kare

haqīqatoñ kī tajallī bhī pā.egā us meñ

jo rū-ba-rū koī ā.īna-e-majāz kare

nahīñ hai puḳhta abhī zauq-e-bandagī us kā

hudūd-e-dair-o-haram meñ jo imtiyāz kare

har ek saañs meñ suntā hai naġhma-e-lāhūt

vo jis ko gosh-bar-āvāz-e-nai-navāz kare

kahin na phir koi dar-o-rasan se saz kare

KHuda kisi ko na aab aashna-e-raaz kare

kahan tak aadmi hil-e-KHirad se saz kare

faza-e-dahr ko allah junun-nawaz kare

na puchh martaba us ke maqam-e-ali ka

jise wo fikr-e-do-alam se be-niyaz kare

haqiqaton ki tajalli bhi paega us mein

jo ru-ba-ru koi aaina-e-majaz kare

nahin hai puKHta abhi zauq-e-bandagi us ka

hudud-e-dair-o-haram mein jo imtiyaz kare

har ek sans mein sunta hai naghma-e-lahut

wo jis ko gosh-bar-awaz-e-nai-nawaz kare