kahin pe jism kahin par KHayal rahta hai
kahīñ pe jism kahīñ par ḳhayāl rahtā hai
mohabbatoñ meñ kahāñ e'tidāl rahtā hai
falak pe chāñd nikaltā hai aur dariyā meñ
balā kā shor ġhazab kā ubaal rahtā hai
dayār-e-dil meñ bhī ābād hai koī sahrā
yahāñ bhī vajd meñ raqsāñ ġhazāl rahtā hai
chhupā hai koī fusūñ-gar sarāb āñkhoñ meñ
kahīñ bhī jaao usī kā jamāl rahtā hai
tamām hotā nahīñ ishq-e-nā-tamām kabhī
koī bhī umr ho ye lā-zavāl rahtā hai
visāl-e-jism kī sūrat nikal to aatī hai
diloñ meñ hijr kā mausam bahāl rahtā hai
ḳhushī ke laakh vasā.el ḳharīd lo 'ālam'
dil-e-shikasta magar pur-malāl rahtā hai
kahin pe jism kahin par KHayal rahta hai
mohabbaton mein kahan e'tidal rahta hai
falak pe chand nikalta hai aur dariya mein
bala ka shor ghazab ka ubaal rahta hai
dayar-e-dil mein bhi aabaad hai koi sahra
yahan bhi wajd mein raqsan ghazal rahta hai
chhupa hai koi fusun-gar sarab aankhon mein
kahin bhi jao usi ka jamal rahta hai
tamam hota nahin ishq-e-na-tamam kabhi
koi bhi umr ho ye la-zawal rahta hai
visal-e-jism ki surat nikal to aati hai
dilon mein hijr ka mausam bahaal rahta hai
KHushi ke lakh wasael KHarid lo 'alam'
dil-e-shikasta magar pur-malal rahta hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
