kahin pe mal-o-duniya ki KHaridari ki baaten hain

kahīñ pe māl-o-duniya kī ḳharīdārī kī bāteñ haiñ

kahīñ pe din-ba-din baḌhtī riyā-kārī kī bāteñ haiñ

bhare bāzār meñ sach kī dukānoñ par hai sannāTā

tijārat jhuuT kī chamkī hai makkārī kī bāteñ haiñ

kahīñ roze pe roze sirf paanī pī ke khulte haiñ

kahīñ bas naam pe rozoñ ke iftārī kī bāteñ haiñ

kahīñ khānā hī khānā hai magar piine se kab fursat

kahīñ pe bhuuk kī bastī meñ bīmārī kī bāteñ haiñ

zamāne aur the vo jin meñ kuchh darvesh hote the

na.e is daur meñ har samt bad-kārī kī bāteñ haiñ

vafā īsār qurbānī vahāñ ab log kyā jāneñ

jahāñ nīlām hote zarf-o-ḳhuddārī kī bāteñ haiñ

kabhī maz.hab thā dil meñ ab hai daulat kī panāhoñ meñ

ḳhudā kā naam le kar bhī gunahgārī kī bāteñ haiñ

kisī ke zaḳhm pe marham 'hinā' rakhtā nahīñ koī

namak lahjoñ ne gholā qalb-āzārī kī bāteñ haiñ

kahin pe mal-o-duniya ki KHaridari ki baaten hain

kahin pe din-ba-din baDhti riya-kari ki baaten hain

bhare bazar mein sach ki dukanon par hai sannaTa

tijarat jhuT ki chamki hai makkari ki baaten hain

kahin roze pe roze sirf pani pi ke khulte hain

kahin bas nam pe rozon ke iftari ki baaten hain

kahin khana hi khana hai magar pine se kab fursat

kahin pe bhuk ki basti mein bimari ki baaten hain

zamane aur the wo jin mein kuchh darwesh hote the

nae is daur mein har samt bad-kari ki baaten hain

wafa isar qurbani wahan ab log kya jaanen

jahan nilam hote zarf-o-KHuddari ki baaten hain

kabhi mazhab tha dil mein ab hai daulat ki panahon mein

KHuda ka nam le kar bhi gunahgari ki baaten hain

kisi ke zaKHm pe marham 'hina' rakhta nahin koi

namak lahjon ne ghola qalb-azari ki baaten hain