kahin pe sang kahin Khaar ban gae hote

kahīñ pe sang kahīñ ḳhaar ban ga.e hote

vo jā rahā thā to dīvār ban ga.e hote

tumhārī tarh agar jam' māl-o-zar karte

to ik qabīle ke sardār ban ga.e hote

vo ik nigāh-e-karam is taraf agar karte

ye jitne dasht haiñ gulzār ban ga.e hote

kisī ke saath to rishta nibāh kā hotā

kisī ke dil ke to āzār ban ga.e hote

ham itne dard-o-alam jhelne ke baa'd 'asar'

kisī ke lab pe to iqrār ban ga.e hote

kahin pe sang kahin KHar ban gae hote

wo ja raha tha to diwar ban gae hote

tumhaari tarh agar jam' mal-o-zar karte

to ek qabile ke sardar ban gae hote

wo ek nigah-e-karam is taraf agar karte

ye jitne dasht hain gulzar ban gae hote

kisi ke sath to rishta nibah ka hota

kisi ke dil ke to aazar ban gae hote

hum itne dard-o-alam jhelne ke ba'd 'asar'

kisi ke lab pe to iqrar ban gae hote