kahin tirgi kahin raushni yahi is jahan ka nizam hai

kahīñ tīrgī kahīñ raushnī yahī is jahāñ kā nizām hai

ye to apnā apnā nasīb hai kahīñ sub.h to kahīñ shaam hai

ye mohabbatoñ kā jahān hai yahāñ lamha lamha hai imtihāñ

jo na ranj-o-ġham se ho āshnā use duur hī se salām hai

mujhe mai se koī ġharaz nahīñ magar itnī baat zarūr hai

jo surūr-e-ishq na de sake vo sharāb piinā harām hai

mire shahr hī ke vo log haiñ magar un se rahiyegā bā-ḳhabar

vo kisī ke kaam na ā.eñge unheñ apne kaam se kaam hai

jise aap kahte haiñ lakhna.ū vo suḳhnavaroñ kā hai gulsitāñ

mirā naam 'prītā' hai dosto mirā lakhna.ū meñ qayām hai

kahin tirgi kahin raushni yahi is jahan ka nizam hai

ye to apna apna nasib hai kahin subh to kahin sham hai

ye mohabbaton ka jahan hai yahan lamha lamha hai imtihan

jo na ranj-o-gham se ho aashna use dur hi se salam hai

mujhe mai se koi gharaz nahin magar itni baat zarur hai

jo surur-e-ishq na de sake wo sharab pina haram hai

mere shahr hi ke wo log hain magar un se rahiyega ba-KHabar

wo kisi ke kaam na aaenge unhen apne kaam se kaam hai

jise aap kahte hain lakhnau wo suKHnawaron ka hai gulsitan

mera nam 'prita' hai dosto mera lakhnau mein qayam hai