kahin to phenk hi denge ye bar sanson ka

kahīñ to pheñk hī deñge ye baar sāñsoñ kā

uThā.e bojh jo phirte haiñ yaar sāñsoñ kā

anā ġhurūr takabbur hayāt kuchh bhī nahīñ

ki saarā khel hai pyāre ye chaar sāñsoñ kā

chalo ye zindagī zinda-dilī se jiite haiñ

baḌhegā is tarah kuchh to vaqār sāñsoñ kā

gulābī hoñT vo hoñToñ pe rakh ke kahtī thī

sadā rahegā ye tujh par ḳhumār sāñsoñ kā

baḌe qarīb se guzrī hai maut chhū ke tujhe

jo ho sake koī sadqa utaar sāñsoñ kā

havā ye vajd meñ aa kar diye se kahne lagī

ki ab tū sah nahīñ pā.egā vaar sāñsoñ kā

ham is ko zindagī samjheñ to kis tarah 'arshad'

kisī ke haath meñ hai iḳhtiyār sāñsoñ kā

kahin to phenk hi denge ye bar sanson ka

uThae bojh jo phirte hain yar sanson ka

ana ghurur takabbur hayat kuchh bhi nahin

ki sara khel hai pyare ye chaar sanson ka

chalo ye zindagi zinda-dili se jite hain

baDhega is tarah kuchh to waqar sanson ka

gulabi honT wo honTon pe rakh ke kahti thi

sada rahega ye tujh par KHumar sanson ka

baDe qarib se guzri hai maut chhu ke tujhe

jo ho sake koi sadqa utar sanson ka

hawa ye wajd mein aa kar diye se kahne lagi

ki ab tu sah nahin paega war sanson ka

hum is ko zindagi samjhen to kis tarah 'arshad'

kisi ke hath mein hai iKHtiyar sanson ka