kahin to pyas ki shiddat ne mara

kahīñ to pyaas kī shiddat ne maarā

kahīñ is dasht meñ vahshat ne maarā

paḌī aadat kisī ko chāhne kī

mujhe merī isī aadat ne maarā

vo jis ko āsmānoñ kī talab thī

use ghar kī shikasta chhat ne maarā

nazar meñ hamla-āvar kī na the ham

hameñ to said kī sohbat ne maarā

vo jin ke hausloñ meñ dam nahīñ hai

vo socheñge unheñ qismat ne maarā

koī sūrat pe us kī mar-miTā aur

kisī ko yaar kī sīrat ne maarā

bilā taftīsh rab maanā kisī ko

hameñ 'afrang' yuuñ ġhaflat ne maarā

kahin to pyas ki shiddat ne mara

kahin is dasht mein wahshat ne mara

paDi aadat kisi ko chahne ki

mujhe meri isi aadat ne mara

wo jis ko aasmanon ki talab thi

use ghar ki shikasta chhat ne mara

nazar mein hamla-awar ki na the hum

hamein to said ki sohbat ne mara

wo jin ke hauslon mein dam nahin hai

wo sochenge unhen qismat ne mara

koi surat pe us ki mar-miTa aur

kisi ko yar ki sirat ne mara

bila taftish rab mana kisi ko

hamein 'afrang' yun ghaflat ne mara