kahin wo dekh le daman ko tar karte hue

kahīñ vo dekh le dāman ko taar karte hue

bahār meñ bhī haiñ ham intizār karte hue

fazā nahīñ hai kisī tarh bhī shafaq-andām

palaT rahe haiñ use sogvār karte hue

ab aur kyā ḳhas-o-ḳhāshāk ho raheñge ham

tamām ho to ga.e intizār karte hue

vo aa.ina hai so ham us ke sāmne aa.e

hazār tarh se dil ko ġhubār karte hue

guzārte haiñ ye shab shorish-e-tamannā meñ

dil-o-nigāh ko be-iḳhtiyār karte hue

nahīñ hai gardish-e-ayyām kī ḳhabar us ko

ki din guzartā hai kyā kyā shumār karte hue

aur us ke naqsh pe laġhzish hunar ne paa.ī hai

ki rang hech lage haiñ nikhār karte hue

kahin wo dekh le daman ko tar karte hue

bahaar mein bhi hain hum intizar karte hue

faza nahin hai kisi tarh bhi shafaq-andam

palaT rahe hain use sogwar karte hue

ab aur kya KHas-o-KHashak ho rahenge hum

tamam ho to gae intizar karte hue

wo aaina hai so hum us ke samne aae

hazar tarh se dil ko ghubar karte hue

guzarte hain ye shab shorish-e-tamanna mein

dil-o-nigah ko be-iKHtiyar karte hue

nahin hai gardish-e-ayyam ki KHabar us ko

ki din guzarta hai kya kya shumar karte hue

aur us ke naqsh pe laghzish hunar ne pai hai

ki rang hech lage hain nikhaar karte hue