kahiye kya baat ye ajib nahin

kahiye kyā baat ye 'ajīb nahīñ

dil meñ rah kar bhī vo qarīb nahīñ

kaun hai jo tire qarīb nahīñ

ik mire hī faqat nasīb nahīñ

baat bhī un se ek din ho jaa.e

baat ye bhī to kuchh 'ajīb nahīñ

dil meñ rah kar hai aañkh se ojhal

paas ho kar bhī vo qarīb nahīñ

baat to us se kar ke dekh ai dil

vo muḳhātab hai tū ḳhatīb nahīñ

nā-mukammal bahār-e-gulshan hai

phuul haiñ aur 'andalīb nahīñ

un se milnā to kuchh nahīñ mushkil

lekin aise mire nasīb nahīñ

dekhā jā.egā un kī mahfil meñ

maiñ nahīñ aaj yā raqīb nahīñ

dam dilāse haiñ dam mohabbat ke

koī hamdam nahīñ habīb nahīñ

do diloñ kā jo fāsla naape

koī us ke sivā jarīb nahīñ

hai vo duniyā meñ ek marz-e-'ishq

jis kā chāra nahīñ tabīb nahīñ

ai 'amar' vo ġharīb hī hogā

dil kā kambaḳht jo ġharīb nahīñ

kahiye kya baat ye 'ajib nahin

dil mein rah kar bhi wo qarib nahin

kaun hai jo tere qarib nahin

ek mere hi faqat nasib nahin

baat bhi un se ek din ho jae

baat ye bhi to kuchh 'ajib nahin

dil mein rah kar hai aankh se ojhal

pas ho kar bhi wo qarib nahin

baat to us se kar ke dekh ai dil

wo muKHatab hai tu KHatib nahin

na-mukammal bahaar-e-gulshan hai

phul hain aur 'andalib nahin

un se milna to kuchh nahin mushkil

lekin aise mere nasib nahin

dekha jaega un ki mahfil mein

main nahin aaj ya raqib nahin

dam dilase hain dam mohabbat ke

koi hamdam nahin habib nahin

do dilon ka jo fasla nape

koi us ke siwa jarib nahin

hai wo duniya mein ek marz-e-'ishq

jis ka chaara nahin tabib nahin

ai 'amar' wo gharib hi hoga

dil ka kambaKHt jo gharib nahin