kahkashan ishq ki hai be-sar-o-pa mere baad

kahkashāñ 'ishq kī hai be-sar-o-pā mere baa'd

baam par chāñd munavvar na huā mere baa'd

kāfir-e-husn musalmāñ na huā mere baa'd

kalima-e-'ishq kisī ne na paḌhā mere baa'd

'ishq mā'dūm huā hirs ke shahpar nikle

koī dīvāna kisī kā na huā mere baa'd

un kī āñkheñ bhī huiiñ kaif-e-namī se mahrūm

koī aañsū sar-e-dāmāñ na girā mere baa'd

tum ho mā.il-ba-jafā aur maiñ du'ā kartā huuñ

koī uThā.egā kaho dast-e-du'ā mere baa'd

mas.ala ye bhī bahut dard-bharā hai be-shak

kaun farmā.egā jānāñ se vafā mere baa'd

kahkashan 'ishq ki hai be-sar-o-pa mere ba'd

baam par chand munawwar na hua mere ba'd

kafir-e-husn musalman na hua mere ba'd

kalima-e-'ishq kisi ne na paDha mere ba'd

'ishq ma'dum hua hirs ke shahpar nikle

koi diwana kisi ka na hua mere ba'd

un ki aankhen bhi huin kaif-e-nami se mahrum

koi aansu sar-e-daman na gira mere ba'd

tum ho mail-ba-jafa aur main du'a karta hun

koi uThaega kaho dast-e-du'a mere ba'd

masala ye bhi bahut dard-bhara hai be-shak

kaun farmaega jaanan se wafa mere ba'd