kahne ko to sab kuchh achchha hota hai
kahne ko to sab kuchh achchhā hotā hai
lekin asl meñ kaun kisī kā hotā hai
kuchh chehre tasvīr meñ achchhe aate haiñ
kisī kisī kā apnā chehra hotā hai
dil par girte aañsū kis ne dekhe haiñ
rone se hī ġham kā charchā hotā hai
phir us kī āñkheñ raushan ho jaatī haiñ
jo hasnain ke ġham meñ royā hotā hai
ḳhvāboñ ke shahzāde lutf uThāte haiñ
dīvānoñ kā muft meñ ḳharcha hotā hai
maiñ chāhe jitne raste tabdīl karūñ
vo mere raste meñ baiThā hotā hai
vo dariyā meñ kuud bhī saktā hai jis ne
us kī aañkh meñ aañsū dekhā hotā hai
chāñd se merī nisbat yuuñ bhī bantī hai
us ke ruḳh kā nuur bhī aisā hotā hai
kahne ko to sab kuchh achchha hota hai
lekin asl mein kaun kisi ka hota hai
kuchh chehre taswir mein achchhe aate hain
kisi kisi ka apna chehra hota hai
dil par girte aansu kis ne dekhe hain
rone se hi gham ka charcha hota hai
phir us ki aankhen raushan ho jati hain
jo hasnain ke gham mein roya hota hai
KHwabon ke shahzade lutf uThate hain
diwanon ka muft mein KHarcha hota hai
main chahe jitne raste tabdil karun
wo mere raste mein baiTha hota hai
wo dariya mein kud bhi sakta hai jis ne
us ki aankh mein aansu dekha hota hai
chand se meri nisbat yun bhi banti hai
us ke ruKH ka nur bhi aisa hota hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.