kaho ek dusre ki kab zarurat ho gae hum tum

kaho ik dūsre kī kab zarūrat ho ga.e ham tum

bhalā kaise giraftār-e-mohabbat ho ga.e ham tum

anā adl aatmā sach sab kā saudā yaar kar baiThe

sitam hai is tarah se nazr-e-ġhurbat ho ga.e ham tum

mohabbat ke muqaddas mohtaram māhaul meñ rah kar

zarā dekho to kitne ḳhūbsūrat ho ga.e ham tum

ġhalat-fahmī ġhurūr-o-shān-o-zid aur vahm ke hāthoñ

bas ik pal meñ mohabbat se adāvat ho ga.e ham tum

zahe qismat ai hamdam apne fart-e-ishq ke sadqe

junūñ kī ek tārīḳhī hikāyat ho ga.e ham tum

chhaTe jab bad-gumānī ke añdhere tab samajh paa.e

ki tark-e-ishq se mahrūm-e-ne.amat ho ga.e ham tum

hamārī dostī ko dekh kar kuḌhte haiñ bechāre

jahāñ vāloñ kī ḳhātir yaar zahmat ho ga.e ham tum

sabhī kahte haiñ tiflī meñ bahut ma.asūm bhole the

javāñ ho kar bhalā kaise qayāmat ho ga.e ham tum

kaho ek dusre ki kab zarurat ho gae hum tum

bhala kaise giraftar-e-mohabbat ho gae hum tum

ana adl aatma sach sab ka sauda yar kar baiThe

sitam hai is tarah se nazr-e-ghurbat ho gae hum tum

mohabbat ke muqaddas mohtaram mahaul mein rah kar

zara dekho to kitne KHubsurat ho gae hum tum

ghalat-fahmi ghurur-o-shan-o-zid aur wahm ke hathon

bas ek pal mein mohabbat se adawat ho gae hum tum

zahe qismat ai hamdam apne fart-e-ishq ke sadqe

junun ki ek tariKHi hikayat ho gae hum tum

chhaTe jab bad-gumani ke andhere tab samajh pae

ki tark-e-ishq se mahrum-e-neamat ho gae hum tum

hamari dosti ko dekh kar kuDhte hain bechaare

jahan walon ki KHatir yar zahmat ho gae hum tum

sabhi kahte hain tifli mein bahut masum bhole the

jawan ho kar bhala kaise qayamat ho gae hum tum