kaho na ye ki mohabbat hai tirgi se mujhe

kaho na ye ki mohabbat hai tīrgī se mujhe

Darā diyā hai patañgoñ ne raushnī se mujhe

safīna shauq kā ab ke jo Duub kar ubhrā

nikāl le gayā dariyā-e-be-ḳhudī se mujhe

hai merī aañkh meñ ab tak vahī safar kā ġhubār

milā jo raah meñ sahrā-e-āgahī se mujhe

ḳhirad inhī se banātī hai rahbarī kā mizāj

ye tajrabe jo mayassar haiñ gumrahī se mujhe

abhī to paañv se kāñTe nikāltā huuñ maiñ

abhī nikāl na gulzār-e-zindagī se mujhe

zabān-e-hāl se kahtā hai nāz-e-ishva-garī

hayā chhupā na sakī chashm-e-maz.harī se mujhe

barā.e dād-e-suḳhan kāsa-e-savāl ho dil

ḳhudā bachā.e 'jamīl' is gadāgarī se mujhe

kaho na ye ki mohabbat hai tirgi se mujhe

Dara diya hai patangon ne raushni se mujhe

safina shauq ka ab ke jo Dub kar ubhra

nikal le gaya dariya-e-be-KHudi se mujhe

hai meri aankh mein ab tak wahi safar ka ghubar

mila jo rah mein sahra-e-agahi se mujhe

KHirad inhi se banati hai rahbari ka mizaj

ye tajrabe jo mayassar hain gumrahi se mujhe

abhi to panw se kanTe nikalta hun main

abhi nikal na gulzar-e-zindagi se mujhe

zaban-e-haal se kahta hai naz-e-ishwa-gari

haya chhupa na saki chashm-e-mazhari se mujhe

barae dad-e-suKHan kasa-e-sawal ho dil

KHuda bachae 'jamil' is gadagari se mujhe