kaho un se ki aa jaen na mujhko ab sataen wo

kaho un se ki aa jaa.eñ na mujh ko ab satā.eñ vo

kareñ vo pyaar jī bhar ke na ab lekin rulā.eñ vo

mohabbat ruuTh jā.egī na gar iz.hār ho paayā

kaho un se ki ab ke baar mat duurī baḌhā.eñ vo

maiñ un bāñhoñ meñ ab sab kuchh yaqīnan bhuul jā.ūñgī

mire dil kī ye bintī hai ki sāñsoñ meñ samā.eñ vo

koī un ko ye batlā.e maiñ un se pyaar kartī huuñ

maiñ un se dil lagā baiThī huuñ dil mujh se lagā.eñ vo

ye bārish gungunātī hai ye būñdeñ muskurātī haiñ

'duā' kā un se kahnā hai ki ab sab ko batā.eñ vo

kaho un se ki aa jaen na mujh ko ab sataen wo

karen wo pyar ji bhar ke na ab lekin rulaen wo

mohabbat ruTh jaegi na gar izhaar ho paya

kaho un se ki ab ke bar mat duri baDhaen wo

main un banhon mein ab sab kuchh yaqinan bhul jaungi

mere dil ki ye binti hai ki sanson mein samaen wo

koi un ko ye batlae main un se pyar karti hun

main un se dil laga baiThi hun dil mujh se lagaen wo

ye barish gungunati hai ye bunden muskuraati hain

'dua' ka un se kahna hai ki ab sab ko bataen wo