kahta hai diwana kya

kahtā hai dīvāna kyā

sach kyā hai afsāna kyā

matlab kī is duniyā meñ

apnā kyā begāna kyā

tū bhī musāfir merī tarah

terā merā Thikānā kyā

ḳhud meñ gum haiñ jab sab log

zaḳhmoñ kā dikhlānā kyā

bādal bārish saaya dhuup

sab se dhokā khānā kyā

ġham bhī apnā ḳhushiyāñ bhī

phir ye ronā gaanā kyā

dil bhī jhuke to baat bane

yuuñ hī sar ko jhukānā kyā

bhuul gayā mujh ko ik shaḳhs

ab us kā yaad aanā kyā

tū bhī 'zafar' ḳhāmosh hai ab

band huā mai-ḳhāna kyā

kahta hai diwana kya

sach kya hai afsana kya

matlab ki is duniya mein

apna kya begana kya

tu bhi musafir meri tarah

tera mera Thikana kya

KHud mein gum hain jab sab log

zaKHmon ka dikhlana kya

baadal barish saya dhup

sab se dhoka khana kya

gham bhi apna KHushiyan bhi

phir ye rona gana kya

dil bhi jhuke to baat bane

yun hi sar ko jhukana kya

bhul gaya mujh ko ek shaKHs

ab us ka yaad aana kya

tu bhi 'zafar' KHamosh hai ab

band hua mai-KHana kya