kahte hain log yar ka abru phaDak gaya
kahte haiñ log yaar kā abrū phaḌak gayā
teġhā sā kuchh nazar meñ hamārī saḌak gayā
maiñ kyā karūñ adā-e-ġhazab-nāk kā bayāñ
bijlī sā mere sāmne aa kar kaḌak gayā
naale se mere gul to huā chaak pairahan
bulbul tirā jigar na ye sun kar taḌak gayā
koī gayā na ḳhauf se qātil ke sāmne
maiñ hī thā us ke rū-ba-rū jo be-dhaḌak gayā
mushkil paḌegā phir to bujhānā jahān kā
jo Tuk ziyāda ishq kā sho.ala bhaḌak gayā
'saudā' churā chukā hī thā gulshan meñ gul ko maiñ
qismat ko apnī kyā kahūñ pattā khaḌak gayā
kahte hain log yar ka abru phaDak gaya
tegha sa kuchh nazar mein hamari saDak gaya
main kya karun ada-e-ghazab-nak ka bayan
bijli sa mere samne aa kar kaDak gaya
nale se mere gul to hua chaak pairahan
bulbul tera jigar na ye sun kar taDak gaya
koi gaya na KHauf se qatil ke samne
main hi tha us ke ru-ba-ru jo be-dhaDak gaya
mushkil paDega phir to bujhana jahan ka
jo Tuk ziyaada ishq ka shoala bhaDak gaya
'sauda' chura chuka hi tha gulshan mein gul ko main
qismat ko apni kya kahun patta khaDak gaya
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
