kahte shab-e-visal mein wo bar bar hain

kahte shab-e-visāl meñ vo baar baar haiñ

laao miyāñ vo daam jo pahle udhār haiñ

shaitāñ bhī muflisī meñ satātā hai raah meñ

Dhele haiñ dekh lījiye jo māl-dār haiñ

dar-parda mujh se karte haiñ vo jaan kā savāl

kahte jo dam-ba-dam vo mujhe dam madār haiñ

ārām hai surūr hai kyā sukh badan ke saath

kambaḳht haiñ jo log nasīban ke yaar haiñ

allah re muflisī ki mujhe pā ke nange sar

juute ke gāñThne se gurezāñ chamār haiñ

jo saiñkaḌoñ na lete the kahte haiñ ab vo yuuñ

dilvāo kuchh hameñ ki bahut zer-e-bār haiñ

ye dhun bañdhī huī hai vatan kī ki rāt-din

ġhurbat meñ bhī alāpte ham deskār haiñ

shān-e-ḳhudā ki taan 'ināyat' pe vo kareñ

jo log tansen ke ḳhud rishta-dār haiñ

kahte shab-e-visal mein wo bar bar hain

lao miyan wo dam jo pahle udhaar hain

shaitan bhi muflisi mein satata hai rah mein

Dhele hain dekh lijiye jo mal-dar hain

dar-parda mujh se karte hain wo jaan ka sawal

kahte jo dam-ba-dam wo mujhe dam madar hain

aaram hai surur hai kya sukh badan ke sath

kambaKHt hain jo log nasiban ke yar hain

allah re muflisi ki mujhe pa ke nange sar

jute ke ganThne se gurezan chamar hain

jo sainkaDon na lete the kahte hain ab wo yun

dilwao kuchh hamein ki bahut zer-e-bar hain

ye dhun bandhi hui hai watan ki ki raat-din

ghurbat mein bhi alapte hum deskar hain

shan-e-KHuda ki tan 'inayat' pe wo karen

jo log tansen ke KHud rishta-dar hain