kaifiyat batlaun kya taswir ki

kaifiyat batlā.ūñ kyā tasvīr kī

ik ġhazal zinda ho jaise 'mīr' kī

kaun jaane kab badal degā ḳhudā

baat mat karte raho taqdīr kī

maañg kar tum ne duā.eñ kyā kiyā

yaar koshish to karo tadbīr kī

zindagī sadiyoñ nahīñ paatā koī

laakh le koī duā.eñ piir kī

taaj ko murda imārat mat kaho

ishq ne to aarzū ta.amīr kī

pyaar se duniyā yūñhī miltī rahe

kyā zarūrat tiir kī shamshīr kī

ḳhuun se ḳhat likh diyā 'dildār' ne

aur tārīfeñ huiiñ tahrīr kī

kaifiyat batlaun kya taswir ki

ek ghazal zinda ho jaise 'mir' ki

kaun jaane kab badal dega KHuda

baat mat karte raho taqdir ki

mang kar tum ne duaen kya kiya

yar koshish to karo tadbir ki

zindagi sadiyon nahin pata koi

lakh le koi duaen pir ki

taj ko murda imarat mat kaho

ishq ne to aarzu tamir ki

pyar se duniya yunhi milti rahe

kya zarurat tir ki shamshir ki

KHun se KHat likh diya 'dildar' ne

aur tarifen huin tahrir ki