kai dinon ke liye be-qarar karte hue

ka.ī dinoñ ke liye be-qarār karte hue

guzar gayā koī āñkhoñ se pyaar karte hue

hiran kī aañkh meñ kyā jaane kaisā jaadū thā

ki haath kaañp rahe the shikār karte hue

vo us gaḌhe kī jo miTTī thī ab nahīñ miltī

ye baat soch le dariyā ko paar karte hue

zamīr maar diyā ḳhvāhishāt ne shāyad

zarā bhī sharm na aa.ī udhār karte hue

kisī ne fard-e-shab-e-hijr maañg lī mujh se

jhijak rahā thā maiñ aa.heñ shumār karte hue

kuchh apnī vā'da-ḳhilāfī kī intihā kiije

ki sharm aane lagī e'tibār karte hue

kai dinon ke liye be-qarar karte hue

guzar gaya koi aankhon se pyar karte hue

hiran ki aankh mein kya jaane kaisa jadu tha

ki hath kanp rahe the shikar karte hue

wo us gaDhe ki jo miTTi thi ab nahin milti

ye baat soch le dariya ko par karte hue

zamir mar diya KHwahishat ne shayad

zara bhi sharm na aai udhaar karte hue

kisi ne fard-e-shab-e-hijr mang li mujh se

jhijak raha tha main aahen shumar karte hue

kuchh apni wa'da-KHilafi ki intiha kije

ki sharm aane lagi e'tibar karte hue