kaisa girya kahan ka roe the

kaisā girya kahāñ kā ro.e the

ġham ne ashkoñ ke paañv dho.e the

ham ḳharābāt-e-shahr-e-ḳhāk-nasīb

arsa-e-vasl meñ bhī so.e the

us gul-e-ġhaib kī tamanna se

ham ne sīnoñ ke daaġh dho.e the

bād-e-sarsar uḌaa.e phirtī hai

kis bahār-āfrīñ meñ kho.e the

lahlahātī hai fasl-e-chashm vahāñ

dāna-e-dil jahāñ pe bo.e the

kaisa girya kahan ka roe the

gham ne ashkon ke panw dhoe the

hum KHarabaat-e-shahr-e-KHak-nasib

arsa-e-wasl mein bhi soe the

us gul-e-ghaib ki tamanna se

hum ne sinon ke dagh dhoe the

baad-e-sarsar uDae phirti hai

kis bahaar-afrin mein khoe the

lahlahati hai fasl-e-chashm wahan

dana-e-dil jahan pe boe the