kaisa jashn-e-bahaar hai apna

kaisā jashn-e-bahār hai apnā

gul pe saaya bhī baar hai apnā

siskiyāñ le rahī hai shām-e-firāq

phir mujhe intizār hai apnā

ishq kā raag kis ne chheḌ diyā

har nafas sho.ala-bār hai apnā

kyā gila terī kam-nigāhī se

kab hameñ e'tibār hai apnā

nīchī nazroñ se pūchh mat ahvāl

zabt-e-ġham hī shi.ār hai apnā

kyā huā zindagī na raas aa.ī

maut par e'tibār hai apnā

qais ko log jab se bhuul ga.e

pairahan taar taar hai apnā

kaisa jashn-e-bahaar hai apna

gul pe saya bhi bar hai apna

siskiyan le rahi hai sham-e-firaq

phir mujhe intizar hai apna

ishq ka rag kis ne chheD diya

har nafas shoala-bar hai apna

kya gila teri kam-nigahi se

kab hamein e'tibar hai apna

nichi nazron se puchh mat ahwal

zabt-e-gham hi shiar hai apna

kya hua zindagi na ras aai

maut par e'tibar hai apna

qais ko log jab se bhul gae

pairahan tar tar hai apna