kaisa KHazana ye to zad-e-safar nahin rakhti
kaisā ḳhazāna ye to zād-e-safar nahīñ rakhtī
ḳhāna-ba-dosh mohabbat koī ghar nahīñ rakhtī
yādoñ ke bistar par terī ḳhushbū kāḌhūñ
is ke savā to aur maiñ koī hunar nahīñ rakhtī
koī bhī āvāz us kī aahaT nahīñ hotī
koī bhī ḳhushbū us kā paikar nahīñ rakhtī
maiñ jañgal huuñ aur apnī tanhā.ī par ḳhush
merī jaḌeñ zamīn meñ haiñ koī Dar nahīñ rakhtī
vo jo lauT bhī aayā to kyā daan karūñgī
maiñ to us ke naam kā ik zevar nahīñ rakhtī
'mīrā' maañ mirī aag ko koī gun nahīñ aayā
us mūrat ko raam karūñ ye hunar nahīñ rakhtī
kaisa KHazana ye to zad-e-safar nahin rakhti
KHana-ba-dosh mohabbat koi ghar nahin rakhti
yaadon ke bistar par teri KHushbu kaDhun
is ke sawa to aur main koi hunar nahin rakhti
koi bhi aawaz us ki aahaT nahin hoti
koi bhi KHushbu us ka paikar nahin rakhti
main jangal hun aur apni tanhai par KHush
meri jaDen zamin mein hain koi Dar nahin rakhti
wo jo lauT bhi aaya to kya dan karungi
main to us ke nam ka ek zewar nahin rakhti
'mira' man meri aag ko koi gun nahin aaya
us murat ko ram karun ye hunar nahin rakhti
- Book : Kunj piile phuulo.n kaa (Pg. 47)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
