kaisa manzar guzarne wala tha

kaisā manzar guzarne vaalā thā

aañkh se Dar guzarne vaalā thā

vo ajab rahguzār thī jis kā

mustahiq har guzarne vaalā thā

vaqt se maiñ guzar rahā thā magar

vaqt mujh par guzarne vaalā thā

ek hī dil milā thā aur dil bhī

kuchh na kuchh kar guzarne vaalā thā

us ne bheje the ashk manzar meñ

ḳhushk se tar guzarne vaalā thā

mere raste ko kar diyā hamvār

mujh se behtar guzarne vaalā thā

jaañ hathelī pe rakh ke maqtal se

ek ḳhud-sar guzarne vaalā thā

maiñ ne zanjīr rail meñ khīñchī

jab mirā ghar guzarne vaalā thā

shukr hai kaam aa ga.ī hikmat

ḳhair se shar guzarne vaalā thā

maiñ vahī kar nahīñ sakā sad-haif

kaam jo kar guzarne vaalā thā

mere dil kī havā se 'zeb' us din

mor kā par guzarne vaalā thā

kaisa manzar guzarne wala tha

aankh se Dar guzarne wala tha

wo ajab rahguzar thi jis ka

mustahiq har guzarne wala tha

waqt se main guzar raha tha magar

waqt mujh par guzarne wala tha

ek hi dil mila tha aur dil bhi

kuchh na kuchh kar guzarne wala tha

us ne bheje the ashk manzar mein

KHushk se tar guzarne wala tha

mere raste ko kar diya hamwar

mujh se behtar guzarne wala tha

jaan hatheli pe rakh ke maqtal se

ek KHud-sar guzarne wala tha

main ne zanjir rail mein khinchi

jab mera ghar guzarne wala tha

shukr hai kaam aa gai hikmat

KHair se shar guzarne wala tha

main wahi kar nahin saka sad-haif

kaam jo kar guzarne wala tha

mere dil ki hawa se 'zeb' us din

mor ka par guzarne wala tha