kaise kah den halal kuchh bhi nahin
kaise kah deñ halāl kuchh bhī nahīñ
us kā husn-o-jamāl kuchh bhī nahīñ
kyoñ vo hī hai mire tasavvur meñ
jis ko merā ḳhayāl kuchh bhī nahīñ
tanhā rahne kī jis ko aadat hai
us ko hijr-o-visāl kuchh bhī nahīñ
koī jaatā hai to chalā jaa.e
us kā mujh ko malāl kuchh bhī nahīñ
baat bas mujh se vo nahīñ kartā
us kā mujh se vabāl kuchh bhī nahīñ
us kī shoḳhī bayān ho kaise
us ke aage ġhazāl kuchh bhī nahīñ
baḳhsh dī us ne sirf tanhā.ī
gul añgūThī rūmāl kuchh bhī nahīñ
ye suḳhan rab kī hī ināyat hai
is meñ merā kamāl kuchh bhī nahīñ
chār-sū dekho hai bapā mahshar
dost ahl-o-ayāl kuchh bhī nahīñ
hai jo 'muḳhtār' us badan meñ mahak
rang ḳhushbū gulāl kuchh bhī nahīñ
kaise kah den halal kuchh bhi nahin
us ka husn-o-jamal kuchh bhi nahin
kyon wo hi hai mere tasawwur mein
jis ko mera KHayal kuchh bhi nahin
tanha rahne ki jis ko aadat hai
us ko hijr-o-visal kuchh bhi nahin
koi jata hai to chala jae
us ka mujh ko malal kuchh bhi nahin
baat bas mujh se wo nahin karta
us ka mujh se wabaal kuchh bhi nahin
us ki shoKHi bayan ho kaise
us ke aage ghazal kuchh bhi nahin
baKHsh di us ne sirf tanhai
gul anguThi rumal kuchh bhi nahin
ye suKHan rab ki hi inayat hai
is mein mera kamal kuchh bhi nahin
chaar-su dekho hai bapa mahshar
dost ahl-o-ayal kuchh bhi nahin
hai jo 'muKHtar' us badan mein mahak
rang KHushbu gulal kuchh bhi nahin
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
