kaise kah dun mujhko tanhai mein yaad aata hai kaun

kaise kah duuñ mujh ko tanhā.ī meñ yaad aatā hai kaun

raaz kī ye baat hai aur raaz batlātā hai kaun

rone vaale kyā tire dil meñ bhī hai merā sā ġham

yuuñ kisī ke ġham ko sun kar ashk bhar laatā hai kaun

husn hai maġhrūr to ye ahl-e-dil kī hai ḳhatā

ik jhalak meñ husn kā dīvāna ban jaatā hai kaun

dūsroñ ko kahne vaalā aadmī hai ḳhud burā

lekin apne zarf ko ā.īna dikhlātā hai kaun

kaun chashm-e-husn se piinā na chāhe hai sharāb

ishq maanā hai musībat phir bhī ghabrātā hai kaun

shaiḳh sāhib haiñ ki koī ġham-zada ye shab Dhale

dekhnā saaqī dar-e-mai-ḳhāna khaTkātā hai kaun

luuT lī jis ne 'zafar' kī zindagī kī har ḳhushī

kaun hai vo bevafā ye baat batlātā hai kaun

kaise kah dun mujh ko tanhai mein yaad aata hai kaun

raaz ki ye baat hai aur raaz batlata hai kaun

rone wale kya tere dil mein bhi hai mera sa gham

yun kisi ke gham ko sun kar ashk bhar lata hai kaun

husn hai maghrur to ye ahl-e-dil ki hai KHata

ek jhalak mein husn ka diwana ban jata hai kaun

dusron ko kahne wala aadmi hai KHud bura

lekin apne zarf ko aaina dikhlata hai kaun

kaun chashm-e-husn se pina na chahe hai sharab

ishq mana hai musibat phir bhi ghabraata hai kaun

shaiKH sahib hain ki koi gham-zada ye shab Dhale

dekhna saqi dar-e-mai-KHana khaTkata hai kaun

luT li jis ne 'zafar' ki zindagi ki har KHushi

kaun hai wo bewafa ye baat batlata hai kaun