kaise kaise mausam guzre yaad nahin

kaise kaise mausam guzre yaad nahīñ

sar par kitne patthar barse yaad nahīñ

zaḳhm pe us ne marham rakkhā yaad rahā

dil meñ kitne nashtar TuuTe yaad nahīñ

maiñ bhī thak kar haañp rahā huuñ raste meñ

kitne sañgī sāthī bichhḌe yaad nahīñ

biivī bachchoñ kā ab ronā-dhonā kyā

ham ko to ḳhud apne nauhe yaad nahīñ

tum duniyā-dārī meñ rahte ho gum lekin

ham ko to apne bhī bachche yaad nahīñ

kaise kaise us kī adā meñ khote the

ham ko ab biivī ke naḳhre yaad nahīñ

kaise kaise mausam guzre yaad nahin

sar par kitne patthar barse yaad nahin

zaKHm pe us ne marham rakkha yaad raha

dil mein kitne nashtar TuTe yaad nahin

main bhi thak kar hanp raha hun raste mein

kitne sangi sathi bichhDe yaad nahin

biwi bachchon ka ab rona-dhona kya

hum ko to KHud apne nauhe yaad nahin

tum duniya-dari mein rahte ho gum lekin

hum ko to apne bhi bachche yaad nahin

kaise kaise us ki ada mein khote the

hum ko ab biwi ke naKHre yaad nahin