kaise paun tujhe girdab nazar aata hai
kaise paun tujhe girdab nazar aata hai
Raghunandan Sharma Danish
MORE BYRaghunandan Sharma Danish
kaise pā.ūñ tujhe girdāb nazar aatā hai
aur tū mujh ko tah-e-āb nazar aatā hai
tū jo dikh jaa.e to maiñ iid mukammal samjhūñ
ab mujhe tujhmeñ hī mahtāb nazar aatā hai
chaak dāman bhī hai muflis bhī hai be-ghar bhī hai
is liye zar kā use ḳhvāb nazar aatā hai
ek vo shaḳhs jo auroñ ke liye jiitā ho
aaj ke daur meñ kamyāb nazar aatā hai
daur-e-mushkil meñ mujhe jis ne nahīñ pahchānā
aaj vo milne ko betāb nazar aatā hai
kaise paun tujhe girdab nazar aata hai
aur tu mujh ko tah-e-ab nazar aata hai
tu jo dikh jae to main id mukammal samjhun
ab mujhe tujhmen hi mahtab nazar aata hai
chaak daman bhi hai muflis bhi hai be-ghar bhi hai
is liye zar ka use KHwab nazar aata hai
ek wo shaKHs jo auron ke liye jita ho
aaj ke daur mein kamyab nazar aata hai
daur-e-mushkil mein mujhe jis ne nahin pahchana
aaj wo milne ko betab nazar aata hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
