kaise shahron ko fana karta hua guzra tha
kaise shahroñ ko fanā kartā huā guzrā thā
mere siine se kabhī dasht-e-balā guzrā thā
ek patthar thā faqat mujh ko kuchalne ke liye
ek lamha thā jo auroñ se judā guzrā thā
dhuul kis vaqt kī hai ye to nahīñ hai mā'lūm
bas yahī yaad hai ik qāfila sā guzrā thā
ik nazar paḌte hī do-laḳht huā ḳhvāb mirā
kaisā shahkār thā aur kitnā gayā guzrā thā
ye sulagtī huī shāḳheñ ye jhulaste hue phuul
mauja-e-āh thā jo misl-e-havā guzrā thā
kaise shahron ko fana karta hua guzra tha
mere sine se kabhi dasht-e-bala guzra tha
ek patthar tha faqat mujh ko kuchalne ke liye
ek lamha tha jo auron se juda guzra tha
dhul kis waqt ki hai ye to nahin hai ma'lum
bas yahi yaad hai ek qafila sa guzra tha
ek nazar paDte hi do-laKHt hua KHwab mera
kaisa shahkar tha aur kitna gaya guzra tha
ye sulagti hui shaKHen ye jhulaste hue phul
mauja-e-ah tha jo misl-e-hawa guzra tha
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
