kaise tumhein bataun mere sath kya hua

kaise tumheñ batā.ūñ mire saath kyā huā

honā nahīñ thā jis ko vahī hādisa huā

pahle vo kah rahā thā mirī zindagī haiñ aap

allāh jaane baa'd meñ kyā mas.ala huā

mumkin hai merā haal bhī ab ke durust ho

path-jhaḌ ke baa'd jaise ye paudā harā huā

ham ne kabhī kisī kā burā to nahīñ kiyā

phir kyoñ hamāre saath musalsal burā huā

mujh ko dikhā vo raah jo manzil ko jā sake

maulā ki jaise dariyā meñ bhī rāsta huā

apne tamām ḳhvāboñ kā ḳhāka sameT kar

maiñ sochtā huuñ kaise huā aur kyā huā

ai yaar sun ki ziist bahut muḳhtasar sī hai

bas ik dafa hī kah de ki le maiñ tirā huā

zāhir hai koī aa.egā ban ke sharīk-e-zīst

us se kahūñgā jo bhī huā hai burā huā

ik baar maiñ ne sochā thā dekhūñ ḳhud apne aib

har fard phir 'navāz' mujhe aa.ina huā

kaise tumhein bataun mere sath kya hua

hona nahin tha jis ko wahi hadisa hua

pahle wo kah raha tha meri zindagi hain aap

allah jaane ba'd mein kya masala hua

mumkin hai mera haal bhi ab ke durust ho

path-jhaD ke ba'd jaise ye pauda hara hua

hum ne kabhi kisi ka bura to nahin kiya

phir kyon hamare sath musalsal bura hua

mujh ko dikha wo rah jo manzil ko ja sake

maula ki jaise dariya mein bhi rasta hua

apne tamam KHwabon ka KHaka sameT kar

main sochta hun kaise hua aur kya hua

ai yar sun ki zist bahut muKHtasar si hai

bas ek dafa hi kah de ki le main tera hua

zahir hai koi aaega ban ke sharik-e-zist

us se kahunga jo bhi hua hai bura hua

ek bar main ne socha tha dekhun KHud apne aib

har fard phir 'nawaz' mujhe aaina hua