kaisi bulbul kahan ke parwane

kaisī bulbul kahāñ ke parvāne

tum salāmat hazār dīvāne

haa.e kyā kyā banā.e duniyā ne

ik mohabbat ke laakh afsāne

terī barham nigāh ke sadqe

aañkh badlī huī hai duniyā ne

ham ne dekhī hai zindagī kī bahār

ham se pūchho ḳhizāñ ke afsāne

is taġhāful pe un ko kyā kahiye

mere ho kar mujhe na pahchāne

saarī raunaq thī sham-e-mahfil tak

ab na saaqī na mai na parvāne

laakh daanā sahī magar vaa.iz

mansab-e-āshiqī ko kyā jaane

jin meñ āzādī-e-junūñ hī na ho

mere qābil nahīñ vo vīrāne

itnī bojhal hai 'zabt' zulf-e-hayāt

ādamiyyat ke rah ga.e shāne

kaisi bulbul kahan ke parwane

tum salamat hazar diwane

hae kya kya banae duniya ne

ek mohabbat ke lakh afsane

teri barham nigah ke sadqe

aankh badli hui hai duniya ne

hum ne dekhi hai zindagi ki bahaar

hum se puchho KHizan ke afsane

is taghaful pe un ko kya kahiye

mere ho kar mujhe na pahchane

sari raunaq thi sham-e-mahfil tak

ab na saqi na mai na parwane

lakh dana sahi magar waiz

mansab-e-ashiqi ko kya jaane

jin mein aazadi-e-junun hi na ho

mere qabil nahin wo virane

itni bojhal hai 'zabt' zulf-e-hayat

aadamiyyat ke rah gae shane