kaisi zamin sukun kahan ka kahan ki chhanw

kaisī zamīñ sukūn kahāñ kā kahāñ kī chhāñv

mujh ko nigal ga.ī mire naḳhl-e-amāñ kī chhāñv

chhā jā.egī yaqīn kī arz-e-basīt par

zehnoñ meñ phailte hue dūd-e-gumāñ kī chhāñv

gahrā.iyoñ ne mujh ko ubharne nahīñ diyā

raqsāñ thī sat.h-e-āb pe ik bādbāñ kī chhāñv

sūraj kī mumlikat meñ ġhanīmat samajh use

sar se guzar ga.ī tire abr-e-ravāñ kī chhāñv

ham dhuup ke safar pe musalsal haiñ gāmzan

kashkol-e-chashm meñ liye ik sā.ebāñ kī chhāñv

kaisi zamin sukun kahan ka kahan ki chhanw

mujh ko nigal gai mere naKHl-e-aman ki chhanw

chha jaegi yaqin ki arz-e-basit par

zehnon mein phailte hue dud-e-guman ki chhanw

gahraiyon ne mujh ko ubharne nahin diya

raqsan thi sath-e-ab pe ek baadban ki chhanw

suraj ki mumlikat mein ghanimat samajh use

sar se guzar gai tere abr-e-rawan ki chhanw

hum dhup ke safar pe musalsal hain gamzan

kashkol-e-chashm mein liye ek saeban ki chhanw