kal jo tum idhar se guzre hum nazar kar rah gae

kal jo tum īdhar se guzre ham nazar kar rah ga.e

jī meñ thā kuchh kahiye lekin aah Dar kar rah ga.e

jab na kuchh bas chal sakā apnā to phir hasrat se haa.e

dekh kar muñh ko tire ik aah bhar kar rah ga.e

sar bahut paTkā qafas meñ apnā ham ne ham-safīr

kui na pahuñchā daad ko fariyād kar kar rah ga.e

nāma-bar kī yā kabūtar kī ki dil kī rakhiye aas

apne to yaañ se ga.e jo vaañ vo mar kar rah ga.e

kal kisī kā zikr-e-ḳhair aayā thā majlis meñ 'hasan'

is dil-e-betāb par ham haath dhar kar rah ga.e

kal jo tum idhar se guzre hum nazar kar rah gae

ji mein tha kuchh kahiye lekin aah Dar kar rah gae

jab na kuchh bas chal saka apna to phir hasrat se hae

dekh kar munh ko tere ek aah bhar kar rah gae

sar bahut paTka qafas mein apna hum ne ham-safir

kui na pahuncha dad ko fariyaad kar kar rah gae

nama-bar ki ya kabutar ki ki dil ki rakhiye aas

apne to yan se gae jo wan wo mar kar rah gae

kal kisi ka zikr-e-KHair aaya tha majlis mein 'hasan'

is dil-e-betab par hum hath dhar kar rah gae