kal KHud mujhe ruswa sar-e-bazar karoge

kal ḳhud mujhe rusvā sar-e-bāzār karoge

tum sub.h se pahle mirā inkār karoge

ḳhair ab to hue masḳh rivāyat ke khare daam

kyā kal bhī yahī jhuuT kā byopār karoge

tūfān to umDā chalā aatā hai saroñ par

phir shahr ko kis lamhe ḳhabar-dār karoge

āḳhir ko to miTTī haiñ ye miTTī ke gharauñde

tā'mīr kahāñ tak dar-o-dīvār karoge

loge na ḳhabar dil ke ḳharābe kī magar haañ

zebā.ish-e-har-kūcha-o-bāzār karoge

maiñ ab to khaTaktā huuñ magar duur nahīñ vaqt

bāteñ mirī parkhoge mujhe pyaar karoge

hai apne liye shahr 'bashīr' apnā yahī dasht

kyā jā ke bhalā shahr mire yaar karoge

kal KHud mujhe ruswa sar-e-bazar karoge

tum subh se pahle mera inkar karoge

KHair ab to hue masKH riwayat ke khare dam

kya kal bhi yahi jhuT ka byopar karoge

tufan to umDa chala aata hai saron par

phir shahr ko kis lamhe KHabar-dar karoge

aaKHir ko to miTTi hain ye miTTi ke gharaunde

ta'mir kahan tak dar-o-diwar karoge

loge na KHabar dil ke KHarabe ki magar han

zebaish-e-har-kucha-o-bazar karoge

main ab to khaTakta hun magar dur nahin waqt

baaten meri parkhoge mujhe pyar karoge

hai apne liye shahr 'bashir' apna yahi dasht

kya ja ke bhala shahr mere yar karoge