kal tak jo mere sath tha aghyar ki surat

kal tak jo mire saath thā aġhyār kī sūrat

aane lagā hai pesh vo ab yaar kī sūrat

ḳhadsha hameñ hotā hai vahāñ kaun hai apnā

ik jaisī hī hotī hai jahāñ chaar kī sūrat

lāchār sā be-bas sā vo ma.asūm sā bachcha

phirtā hai galī-kūchoñ meñ aḳhbār kī sūrat

peshānī pe jo haath rakhegā vo masīhā

khil jā.egī sukḌī huī bīmār kī sūrat

jab yaad tirī aa ke satātī hai ai 'ahmad'

jazbāt ubhar aate haiñ ash.ār kī sūrat

kal tak jo mere sath tha aghyar ki surat

aane laga hai pesh wo ab yar ki surat

KHadsha hamein hota hai wahan kaun hai apna

ek jaisi hi hoti hai jahan chaar ki surat

lachaar sa be-bas sa wo masum sa bachcha

phirta hai gali-kuchon mein aKHbar ki surat

peshani pe jo hath rakhega wo masiha

khil jaegi sukDi hui bimar ki surat

jab yaad teri aa ke satati hai ai 'ahmad'

jazbaat ubhar aate hain ashaar ki surat