kal yahan aisa andhera dekhna ho jaega

kal yahāñ aisā añdherā dekhnā ho jā.egā

ek māchis jo jalā de vo ḳhudā ho jā.egā

ik na ik din vasl tai hai phir ye kaisī dushmanī

ik na ik din har diyā hī to havā ho jā.egā

bolne ko aañkh aur āvāz donoñ chāhiyeñ

dekhnā hotā hai kyā kahne se kyā ho jā.egā

ye tasallī le ke ham rāh-e-mohabbat par chale

kam se kam dil TūTne kā tajraba ho jā.egā

jo bhī kuchh kahnā hai sāhib aap hī kah dījiye

ham kaheñge kuchh to hangāma khaḌā ho jā.egā

hai 'anant' ek or jis kā kyā pata kab ant ho

aur duujī or 'fānī' jo fanā ho jā.egā

kal yahan aisa andhera dekhna ho jaega

ek machis jo jala de wo KHuda ho jaega

ek na ek din wasl tai hai phir ye kaisi dushmani

ek na ek din har diya hi to hawa ho jaega

bolne ko aankh aur aawaz donon chahiyen

dekhna hota hai kya kahne se kya ho jaega

ye tasalli le ke hum rah-e-mohabbat par chale

kam se kam dil TuTne ka tajraba ho jaega

jo bhi kuchh kahna hai sahib aap hi kah dijiye

hum kahenge kuchh to hangama khaDa ho jaega

hai 'anant' ek or jis ka kya pata kab ant ho

aur duji or 'fani' jo fana ho jaega