kali kali ka badan phoD kar jo nikla hai
kalī kalī kā badan phoḌ kar jo niklā hai
vo zindagī kā nahīñ maut kā taqāzā hai
har ek jhūTā payambar hai ye bhī Thiik nahīñ
kahīñ kahīñ to magar sab ke saath ghaplā hai
maiñ us kā barf badan rauñdh kar pashemāñ huuñ
magar jo duur khaḌe haiñ unheñ vo sho.ala hai
jo thūktā hai har ek chiiz ko añdhere se
kabhī kabhī vahī din mujh meñ Duub jaatā hai
har ek samt ġhalāzat bhare samundar haiñ
magar ye maiñ ne kināre khaḌe hī samjhā hai
kali kali ka badan phoD kar jo nikla hai
wo zindagi ka nahin maut ka taqaza hai
har ek jhuTa payambar hai ye bhi Thik nahin
kahin kahin to magar sab ke sath ghapla hai
main us ka barf badan raundh kar pasheman hun
magar jo dur khaDe hain unhen wo shoala hai
jo thukta hai har ek chiz ko andhere se
kabhi kabhi wahi din mujh mein Dub jata hai
har ek samt ghalazat bhare samundar hain
magar ye main ne kinare khaDe hi samjha hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
