kaliyon ko hansi aa jati hai phulon pe nikhaar aa jata hai

kaliyoñ ko hañsī aa jaatī hai phūloñ pe nikhār aa jaatā hai

taqdīr-e-chaman jaag uThtī hai jab jān-e-bahār aa jaatā hai

pī lete haiñ ḳhud apne aañsū ghaT jaatā hai un ke tan kā lahū

sayyād asīroñ ke aage jab zikr-e-bahār aa jaatā hai

tanhā hai to is kī fikr na kar ho rāh-e-talab meñ garm-e-safar

'ushshāq kā dil bahlāne ko manzil kā ġhubār aa jaatā hai

aayā jo 'anādil par na taras be-jurm kiyā pāband-e-qafas

sayyād 'abas ab hamdardī kyā jā ke vaqār aa jaatā hai

un ko hoñ mubārak maiḳhāne jo sirf haiñ mai ke dīvāne

mujh tak to ḳhayāl-e-sāqī hī mastī ba-kanār aa jaatā hai

zāhid tū hamāre 'isyāñ par yuuñ tanz na kar māyūs na kar

jab ashk-e-nadāmat bahte haiñ rahmat ko bhī pyaar aa jaatā hai

kaliyon ko hansi aa jati hai phulon pe nikhaar aa jata hai

taqdir-e-chaman jag uThti hai jab jaan-e-bahaar aa jata hai

pi lete hain KHud apne aansu ghaT jata hai un ke tan ka lahu

sayyaad asiron ke aage jab zikr-e-bahaar aa jata hai

tanha hai to is ki fikr na kar ho rah-e-talab mein garm-e-safar

'ushshaq ka dil bahlane ko manzil ka ghubar aa jata hai

aaya jo 'anadil par na taras be-jurm kiya paband-e-qafas

sayyaad 'abas ab hamdardi kya ja ke waqar aa jata hai

un ko hon mubarak maiKHane jo sirf hain mai ke diwane

mujh tak to KHayal-e-saqi hi masti ba-kanar aa jata hai

zahid tu hamare 'isyan par yun tanz na kar mayus na kar

jab ashk-e-nadamat bahte hain rahmat ko bhi pyar aa jata hai