kam hi hote hain muqaddar ke sikandar chehre

kam hī hote haiñ muqaddar ke sikandar chehre

kitne murjhā.e haiñ in chehroñ ke andar chehre

ahl-e-kashtī ko to sāhil ke hī ḳhvāb aate haiñ

taktā rahtā hai safīnoñ ke samundar chehre

qahr kyā TuuT paḌā raat ko is bastī par

aise jhulse jo nazar aate haiñ ghar ghar chehre

buġhz-o-nafrat ke hadaf haiñ ye siyāsat ke qatīl

bhūke nañge haiñ ye bhaTke hue dar-dar chehre

dil meñ ik tiir jo sur.at se utar jaatā hai

jab ghaḌī bhar meñ badal jaate haiñ tevar chehre

ye nahīñ sochte qātil bhī to ho sakte haiñ

chāñd ke bhes meñ tārīk se bad-tar chehre

farsh kyā arsh pe bhī milte hī nahīñ haiñ 'ḳhanda'

terī tasvīr ke chehre ke barābar chehre

kam hi hote hain muqaddar ke sikandar chehre

kitne murjhae hain in chehron ke andar chehre

ahl-e-kashti ko to sahil ke hi KHwab aate hain

takta rahta hai safinon ke samundar chehre

qahr kya TuT paDa raat ko is basti par

aise jhulse jo nazar aate hain ghar ghar chehre

bughz-o-nafrat ke hadaf hain ye siyasat ke qatil

bhuke nange hain ye bhaTke hue dar-dar chehre

dil mein ek tir jo surat se utar jata hai

jab ghaDi bhar mein badal jate hain tewar chehre

ye nahin sochte qatil bhi to ho sakte hain

chand ke bhes mein tarik se bad-tar chehre

farsh kya arsh pe bhi milte hi nahin hain 'KHanda'

teri taswir ke chehre ke barabar chehre