kam kisi kushta-e-alam ki pursish ki hai

kam kisī kushta-e-ālām kī pursish kī hai

varna duniyā ne to ḳhud apnī parastish kī hai

ham hī kam fahm the samjhe sitam ījād tumheñ

tum ne to ham pe ināyāt kī bārish kī hai

sach to ye hai ki barābar ke haiñ mujrim donoñ

aap kī nazroñ ne dil se mire sāzish kī hai

zindagī qarz samajh kar maiñ jiye jaatā huuñ

ab tamanna na sile kī na satā.ish kī hai

haiñ bahut ahl-e-karam yuuñ to zamīñ par 'at.har'

baat kuchh aur magar us kī navāzish kī hai

kam kisi kushta-e-alam ki pursish ki hai

warna duniya ne to KHud apni parastish ki hai

hum hi kam fahm the samjhe sitam ijad tumhein

tum ne to hum pe inayat ki barish ki hai

sach to ye hai ki barabar ke hain mujrim donon

aap ki nazron ne dil se mere sazish ki hai

zindagi qarz samajh kar main jiye jata hun

ab tamanna na sile ki na sataish ki hai

hain bahut ahl-e-karam yun to zamin par 'athar'

baat kuchh aur magar us ki nawazish ki hai